पछिल्लो २४ घण्टामा ३१ सय संक्रमित थपिए
बेनी
साउन ५
कोरोना भाइरसका कारण नेपालमा पछिल्लो २४ घण्टामा ३,१०८ जना कोभिडका बिरामी थपिएका छन् । स्वास्थ्य तथा जनसंख्या मन्त्रालयका अनुसार १३ हजार १३५ ओटा परीक्षण गर्दा ती बिरामी थपिएका हुन् । परीक्षण गरिएका नमुनामध्ये ८ हजार ८ सय ३६ पीसीआर र ४ हजार २ सय ९९ एन्टीजेन रहेको पनि मन्त्रालयले जनाएको छ ।
आज थपिएको संक्रमित संख्या पछिल्लो ४० दिन यताकै उच्च हो । आजको संक्रमण दर २३.६६ प्रतिशत पुगेको मन्त्रालयले उल्लेख गरेको छ ।
पछिल्लो २४ घण्टामा थप २५ जनाको मृत्यु भएको छ । १ हजार ५ सय ९५ जना निको भएका छन् ।
कूल संक्रमित संख्या ६ लाख ७० हजार ९ सय ५३ पुगेको छ । कूल मृत्यु संख्या ९ हजार ६ सय ७ रहेको छ ।
