बेगखोलामा बोलेरो दुर्घटना हुँदा दुईको मृत्यु, ६ जना घाइते
कालञ्जर
मंसिर १३
बेनी । म्याग्दीको सदरमुकाम बेनीबाट रहुगङ्गा गाउँपालिका–१ बेगखोलाको सिमतर्फ जाँदै गरेको बोलेरो जीप दुर्घटना हुँदा दुई जनाको घटनास्थलमै मृत्यु भएको छ ।
बेनीबाट सामानसहित यात्रु बोकेर गाउँतर्फ गएको ग १ ज ७२५२ नम्बरको जीप औलको चिलाउनेखर्क भन्ने ठाउँमा दुर्घटनामा दुई जनाको घटनास्थलमै ज्यान गएको छ । दुर्घटनामा यात्रु खिमनाथ शर्मा र खिमु पुनको ज्यान गएको स्थानीयले बताएका छन् ।
प्रहरी नाउव उपरीक्षक श्यामकुमार राईले समेत दुई यात्रुको मृत्यु भएको पुष्टी गगर्दै गम्भीर घाईतेसहित ६ जनालाई बेनी अस्पतालर्फ ल्याइएको जानकारी दिए । दुर्घटनामा चालक दुधबहादुर थापासहित ८ यात्रु सवार थिए ।
घाईते मध्ये दुई जना गम्भीर रहेको बताइएको छ । दुर्घटनास्थलमा स्थानीयबासी सहित प्रहरीको टोली उद्धारमा खटिएको छ । जीप सडकबाट ३ सय मिटर तल खसेको बताइएको छ ।