म्याग्दीका निर्मल पुर्जामाथि बनाइएको नयाँ डकुमेन्ट्री भोलि सार्वजनिक हुँदै

कालञ्जर

मंसिर १२

६ महिना ६ दिनमा ८ हजार मिटर अग्ला १४ वटा  हिमाल आरोहण गरी विश्व कीर्तिमान कायम गरेका म्याग्दीका निर्मल पुर्जामाथि बनाइएको डकुमेन्ट्री भोलि सार्वजनिक गरिने भएको छ । ‘निम्सदाइ’का रुपमा चिनिएका पुर्जाको बारेमा तयार भएको ‘फोर्टिन पिक्स: नथिङ इज इम्पोसिबल’ शीर्षकको डकुमेन्ट्री ‘नेटफ्ल्क्सि’ मार्फत सार्वजनिक हुन लागेको हो । 

विश्वका १ सय ९१ देशमा रहेका २१ करोड मानिसहरु नेटफ्ल्क्सिका ‘पेड–मेम्बर’ रहेको बताइएको छ । एकैसाथ ३१ वटा भाषामा देखाइन थालिएको यो डकुमेन्ट्रीले नेपालको साहसिक पर्यटनमा सहयोग पुग्ने अपेक्षा गरिएको छ । 

बेलायती सैनिकको जागिरबाट अवकाश पाएका ३८ वर्षीय पुर्जाले अबको समय नेपालको पर्यटन क्षेत्रको विकासमा खर्चिने बताए । ‘मेरो डुकेन्ट्रीले नेपालको सिनेमादेखि पर्यटन क्षेत्रसम्म नयाँ आशा दिनेछ,’ उनले भनेका छन, ‘म चाँडै बिअर ग्रिल्सलाई नेपाल ल्याउँदै छु । उनीसँग कुरा भइसकेको छ ।’ नेशनल जियोग्राफी च्यानलमा जिउँदै किरा फट्यांग्रा खाँदै जंगल हिँड्ने बेलायती एडभेन्चरर बिअर ग्रिल्सको ‘म्यान भर्सेस वाइल्ड’ शो विश्वप्रसिद्ध छ ।

पर्वतारोाही निर्मल पुर्जा

                                

यसैबीच विख्यात पर्वतारोही निर्मल पुर्जाले बलिउड अभिनेता अक्षय कुमारले एक टेलिभिज रियालिटी शो मा काम गर्न बोलाए पनि पारिश्रमिकमा चित्त नबुझेको हुँदा आफुले त्यो निम्तो अस्वीकार गरेको बताएका छन् । १४ वटा हिमाल आरोहणका लागि बनाइएको ’प्रोजेक्ट पोसिबल’ अभियान र गत वर्षको हिउँदमा भएको पाकिस्तानस्थित केटू हिमाल आरोहण सकिएपछि ३८ वर्षीय पुर्जालाई बलिउड अभिनेता अक्षय कुमारले सहासिक टिभी रियालिटी शोका लागि अफर गरेका थिए ।

नेपाल, तिब्बत र पाकिस्तानमा अवस्थित ८ हजार मिटरभन्दा अग्ला १४ वटा हिमाल आरोहण गर्न विदेशी आरोहीहरुले ८ वर्ष लगाएकोमा पुर्जाले भने ६ महिना ६ दिनमै उक्त रेकर्ड तोडेका थिए ।