एमाले स्थायी कमिटी बैठकमा अदालतको फैसलाबारे छलफल

बेनी

असार २८

फाइल फोटो

नेकपा एमालेको स्थायी कमिटीको अनौपचारिक बैठक सम्पन्न भएको छ । प्रधानमन्त्री निवास बालुवाटारमा आज अपराह्न बसेको बैठकले अदालतको फैसला र त्यसपछिको सम्भावित अवस्थाको बारेमा छलफल गरेको नेता प्रदीप ज्ञवालीले जानकारी दिए ।

सर्वोच्च अदालत राजनीतिक विषयमा प्रवेश गरेको र क्षेत्राधिकार मिचेर फैसला गरेको भन्नेमा बैठक एकमत भएको छ । अदालतको फैसला आपत्तिजनक भए पनि कार्यान्वयन गर्नुपर्ने विषय बैठकमा उठेको एमालेका पार्टी प्रवक्तासमेत रहेका ज्ञवालीले जानकारी दिए । 

अदालतको फैसला कसरी कार्यान्वयन गर्ने भन्नेबार प्रधानमन्त्री केपी शर्मा ओलीले नै निर्णय गर्ने नेता ज्ञवालीको भनाइ थियो ।

आजको स्थायी कमिटी बैठकमा माधव नेपाल सहभागी भएनन ।